मंसिर ११ गते भानु नगरपालिका तनहुँ ।
गण्डकी प्रदेश तनहुँ जिल्लाको पूर्वउत्तर क्षेत्रमा अवस्थित भानु नगरपालिका भूगोलको हिसाबले पनि ठूलो नगरपालिका हो।भानु नगरपालिकामा १३ वटा वडा छन्।आदिकवि भानुभक्तको जन्मभूमि र ऐतिहासिक थानीमाइ मन्दिरको कारणले पनि यो नगर पालिकाले ऐतिहासिक महत्त्व बोकेको छ।यहाँ सुबिधा सम्पन्न नगर अस्पताल पुरण्डिहि अस्पताल छ।जुन अस्पतालबाट यस नगरका भित्रका विभिन्न प्रकारका बिरामीको उपचार तथा रोगको पहिचान गर्न बिशेषज्ञ सुबिधा सहितको उपचारसेवा बिरामीलाई दिदै आएको नगर अस्पतालले जनाएको छ।
भानु नगरपालिकाको आयोजना तथा मनमोहन कार्डियोथेरापिक भास्कुलर एण्ड ट्रान्सप्लान्ट सेन्टर, त्रिवि शिक्षण अस्पताल महाराजगञ्ज काठमाडौंको प्राविधिक सहयोगमा यश अस्पतालमा भानु नगरपालिकाका सामुदायिक र संस्थागत विद्यालयमा अधययनरत १८ वर्ष मुनिका बालबालिकाको मुटु सम्बन्धि विभिन्न परीक्षण ECG, ECHO, Medicine and Counseling नि शुल्क रुपमा मंसिर ८ गते बाट ११ गते सम्म सञ्चालन गरेको पनि नगर अस्पतालले जानकारी दिएको छ। समग्रमा भानु नगरपालिकाले जनताको लागि दिने सेवा सुबिधामा कुनै पनि कमि कमजोरी हुन नदिने प्रतिबद्धता पनि जनाएको कुरा हामी सँगको भेटमा नगर प्रबक्ता एवम् वडा नं८ का वडा अध्यक्ष श्री इश्वर बहादुर घिमिरेले बताएका छन्।
स्रोत -तनहुँ संवाददाता सवितुर खवर।
