पौष ८गते मंगलबार ।
तनहुँ ।
🚨 ५ वर्षदेखि पुल अलपत्र: 🚨
🚧 व्यास–ऋषिङ जोड्ने पुल: ५ वर्षमा ६५ प्रतिशत मात्रै काम! 🚧
गण्डकी प्रदेशकै महत्त्वपूर्ण आयोजना मानिएको १५५ मिटर लामो ‘स्टिल ट्रस’ पुल ठेकेदारको ढिलासुस्तीले अझै पुरा हुन सकेको छैन। २०७७ सालमा सुरु भएको यो पुलको हालसम्म तीन पटक म्याद थप भइसकेको छ।
तनहुँको व्यास र ऋषिङ जोड्ने सेती नदीमाथिको पक्की पुल निर्माण सुरु भएको ५ वर्ष बित्दा पनि अझै अलपत्र छ। ३ वर्षमा सक्ने भनिएको पुलको काम हालसम्म ६५ प्रतिशत मात्रै सकिनुले विकासको गति कस्तो छ भन्ने ऐना देखाउँछ।
🗓 सम्झौता: २०७७ मङ्सिर १९ 📍 जडान: व्यास–३ देउराली र ऋषिङ–१ झापुटार 💰 लागत: ३२ करोड ४० लाख (गण्डकी प्रदेश सरकार)
पटक–पटक म्याद थपिन्छ तर काम सकिँदैन। इन्जिनियर रवीन्द्रप्रताप तिवारी भन्नुहुन्छ— “सामग्री भारतबाट आइसकेको छ, २०८२ चैतसम्म सक्न कडा निर्देशन दिएका छौँ।” तर स्थानीयको आशंका कायमै छ— के यो पटक चाहिँ म्यादभित्र पुल बन्ला?
यस ढिलासुस्तीप्रति साहित्यकार सागर उदासको आक्रोश छ: “समृद्धिको आधार मानिएको पुल यसरी अलपत्र पर्नु दुःखद छ, यसले राज्यप्रति नैराश्यता पैदा गर्छ।”
हाम्रो प्रश्न: जनताले कहिलेसम्म सास्ती भोग्ने? सम्बन्धित निकायको ध्यान जाओस्।
प्रेस प्रमुख ।
