दमौली । तनहुँको बन्दीपुर केवलकार खुल्ला तीज गीत प्रतियोगितामाको प्रथम पुरस्कार व्यास ज्योति धर्म जागरण समुहले चुम्न सफल भएको छ । प्रतियोगितामा सहभागी २८ वटा समूहलाई पछि पार्दै ३७० दशमलव ४ अंङ्क प्राप्त गरी पहिलो पुरस्कार हात पारेको हो । मंगलबार भएको फाइनल प्रतियोगितामा आठ समुह प्रतिस्पर्धामा थिए ।
त्यसैगरी युनाइटेड क्लब पोखराले ३६५ दशमलव ३८ अंङ्क प्राप्त गरी द्वितीय,र पुर्कोट युनेस्को क्लबले ३५१ दशमलव १८ अंङ्क पाएर तृतीय र ऋषिङ पाटन आमा समूहले ३२१ दशमलव ८२ अंङ्क पाएर सान्तवना भएको छ ।
उनीहरुले क्रमश रु एक लाख ११ हजार १११,द्वितीय रु.५५ हजार ५ सय ५५,तृतीय २५ हजार ५ सय ५५ र सान्त्वना ११ हजार १ सय ११ तथा प्रमाणपत्र रहेको छ ।
बन्दीपुर केवलकारको बटम स्टेशनमा यही भदौ ६ गतेदेखि १० गतेसम्म खुल्ला तीज गीत प्रतियोगिता भएको बन्दीपुरहिलका अध्यक्ष रामचन्द्र शर्माले जानकारी दिए।
प्रतियोगितामा मुख्य प्रायोजक बन्दीपुर केवलकार एण्ड टुरिजम लिमिटेड,सहप्रायोजकमा नेको इन्स्युरेन्स लिमिटेड र सहयोगीमा बाह्रसिंह्रे,चन्द्र निर्माण सेवा,डिजाइन स्टेशन,मुस्ताड प्लाजा,ड्राइभ इन,घुमाउने घर र आदियोगी प्रन्जनधाम रहेका थिए ।
