अर्घाखाँची सम्वाद दाता।
अर्घाखाँची जिल्ला को सन्धिखर्क अस्पतालमा हाम्रो सम्वाद दाताले पुगेर गरेको रिपोर्टिङ अनुसार भर्खरै रात्री ८:०० बजेको समयमा अर्घाखाँची जिल्लाको पाणिनी गाउँपालिका–३ दुर्गाफाटमा भएको मोटरसाइकल दुर्घटनामा दुई जनाको मृत्यु भएको छ भने एकजना घाइते भएका छन्।
लुम्बिनी प्रदेश प्रहरी कार्यालयका अनुसार सोमबार साँझ करिब १९:४० बजे निगालीबाट दुर्घाफाटतर्फ आउँदै गरेको ना ३६ प ३५०९ नम्बरको मोटरसाइकल आफैं अनियन्त्रित भई दुर्घटनाग्रस्त भएको हो।
दुर्घटनामा पाणिनी गाउँपालिका–४ निगालीका १८ वर्षीय गौतम बिक र २४ वर्षीय सागर बिक को टाउकोमा गम्भीर चोट लागी उपचारका क्रममा जिल्ला अस्पताल सन्धिखर्कमा चिकित्सकले २०:२० बजे मृत घोषित गरेका हुन्।
त्यसैगरी मोटरसाइकलमा सवार २५ वर्षीय सन्तोष घर्ती घाइते भएका छन्। उनलाई प्रारम्भिक उपचारपछि थप उपचारका लागि पाल्पा अस्पताल रेफर गरिएको प्रहरीले जनाएको छ।
