0
Shares
काठमाडौं । राष्ट्र, राष्ट्रियता, धर्म–संस्कृति र नागरिक बचाउ अभियानका संयोजक दुर्गा प्रसाईंले आफुहरुले घोषणा गरेको आन्दोलन नरोकिने बताएका छन् ।
सोमबार आफ्नै निवास भक्तपुरमा सञ्चारकर्मीसँग कुरा गर्दै प्रसाईंले आफुहरुको मागका बारेमा सरकारलाई जानकारी गराउँदा समेत कुनै चासो नदेखिएको भन्दै पूर्वघोषित आन्दोलन नरोकिने बताएका हुन् ।
उनले शान्तिपूर्ण आन्दोलन गर्न पाउने सवैको अधिकार भएकाले आफुहरुको आन्दोलनलाई कसैले रोक्न नसक्ने धारणा राखे ।
त्यस्तै प्रसाईंले जेनजीले उठाएका मुद्दामा भन्दा वर्तमान सरकारको ध्यान निर्वाचनमा मात्रै केन्द्रीत भएको भन्दै आपत्ति जनाए ।
उनले आफुहरुले अघि सारेका एजेण्डाका बारेमा जनमत संग्रह गर्नुपर्ने बताए । जनमत संग्रहमा नगए आफुहरुको आन्दोलन निरन्तर अघि बढ्ने उनको भनाइ छ ।
यो खबर पढेर तपाईंलाई कस्तो महसुस भयो ?
0%
😊
खुशी
0%
😢
दुःखी
0%
🤔
अचम्मित
0%
😆
उत्साहित
0%
😡
आक्रोशित
कुल प्रतिक्रिया: 0
