मंसिर ७काठमाडौं ।
काठमाडौं उपत्यकाको सभ्यता तथा संस्कृतिको प्रतीक बागमती नदीलाई ढलमुक्त, सफा र सुन्दर बनाउन अभियान सुरु गरिएको छ । नगरपालिका, बागमती सफाइ अभियन्ता, स्थानीय बासिन्दा तथा सबै सरोकारवालाको साझा प्रयास एवम् सहकार्यमा पहिलो चरणमा गुहेश्वरी–गोकर्ण खण्डलाई नमुनाको रूपमा विकास गर्ने कार्य अघि बढाइएको छ । गोकर्णेश्वर–५ जम्बुडाँडा क्षेत्रमा ढल व्यवस्थापन नहुँदा नदी प्रदूषित हुनुका साथै करिडोरको सडक समेत क्षतिग्रस्त छ । अब ढल व्यवस्थापन, करिडोरका सडक मर्मत, नदीमा थुप्रिएको फोहोर तथा लेदो हटाउने काम सँगसँगै अघि बढाइँदैछ । फोहोर हटाएपछि चेक ड्यामलाई प्रयोगमा ल्याई साना–साना तलाउ बनाउने तथा बोटिङलगायतका पर्यटकीय गतिविधि सञ्चालन गर्ने लक्ष्यका साथ काम भइरहेको छ ।
दीर्घकालीन रूपमा बागमतीसहित सबै नदी करिडोरलाई सफा र व्यवस्थित बनाउँदै काठमाडौं उपत्यकालाई स्वच्छ, सुन्दर र व्यवस्थित शहरका रूपमा विकसित गर्ने हाम्रो प्रतिवद्धता छ । हामी विश्वस्त छौँ—जव बागमती स्वच्छ बन्छ, तब काठमाडौं साँच्चिकै सुन्दर बन्नेछ ।
स्रोत – कुलमान घिसिङको सचिवालय । काठमाडौं सम्वाद दाता।
