काठमाडौं । काठमाडौं गोर्खाजले नेपाल प्रिमियर लिग (एनपीएल) दोस्रो संस्करणमा दोस्रो जित हात पारेको छ ।
मंगलबार टस हारेर पहिला ब्याटिङको निम्तो पाएको काठमाडौंले कीर्तिपुरस्थित टीयू अन्तर्राष्ट्रिय क्रिकेट स्टेडियममा भएको खेलमा लुम्बिनी लायन्सलाई २२ रनले पराजित गरेको हो ।
काठमाडौंले दिएको १५९ रनको लक्ष्य पछ्याएको लुम्बिनीले १९.१ ओभरमा सबै विकेट गुमाएर १३५ रनमै अलआउट भयो ।
लुम्बिनीका लागि शेर मल्लले सर्वाधिक २७ रन बनाए । दिलीप नाथले २५ रन बनाए ।
बलिङमा काठमाडौंका मिलिन्द कुमार र जेरार्ड एरासमसले दुई–दुई विकेट लिए । कप्तान करण केसी, शाहब आलम, सन्तोष यादव र रासिद खानले समान १–१विकेट लिए ।
यसअघि, काठमाडौं गोर्खाजले नेपाल प्रिमियर लिग एनपीएलमा लुम्बिनी लायन्सलाई १५८ रनको लक्ष्य दिएको थियो ।
टस हारेर पहिला ब्याटिङको निम्तो पाएको काठमाडौंका लागि कप्तान करण केसीले ११ बल खेल्दै ४ छक्का र एक चौका मद्दतमा अविजित ३४ रन बनाए । ओपनर आकाश त्रिपाठीले ३२ र सन्तोष यादवले २६ रन बनाए ।
बलिङमा लुम्बिनीका लागि रुबेन ट्रम्पलम्यान, शेर मल्ल, कप्तान रोहित पौडेल र गुल्बादिन नइबले समाचन दुई–दुई विकेट लिए ।
