दमौली । गण्डकी प्रदेश सरकारको निर्णयअनुसार तनहुँमा रहेका दुई वटा कार्यालय—सामाजिक विकास कार्यालय र उद्योग तथा पर्यटन विकास कार्यालय—एकीकृत भई औपचारिक रूपमा सेवा सुरु गरेका छन्।
दुवै कार्यालयलाई नयाँ नाम “गण्डकी प्रदेश सरकार, उद्योग तथा पर्यटन मन्त्रालय र सामाजिक विकास, युवा तथा खेलकुद मन्त्रालय, एकीकृत सेवा कार्यालय” राखिएको छ। प्रदेश मन्त्रिपरिषद्को सात निर्देशनालय खारेज र विभिन्न निकाय एकिकरण गर्ने निर्णयसँगै बिहीबारदेखि तनहुँमा यसले कार्यान्वयन पाएको हो।
अब एकीकृत संरचनाअन्तर्गत सामाजिक तथा शिक्षा शाखा — साविक सामाजिक विकास कार्यालयबाट योजना, प्रशासन, उद्योग तथा पर्यटन सेवा — साविक उद्योग तथा पर्यटन कार्यालयबाट सञ्चालन भइरहेका छन्।
एकै स्थानबाट सेवा दिन पूर्वाधार नपुगेकाले दुई स्थानबाटै सेवा प्रदान गर्न बाध्य भएको कार्यालय प्रमुख बिदुरहरी आचार्यले जानकारी दिएक छ।
