पौष ९ गते बुधबार ।
काठमाडौं ।
काठमाडौं विश्वविद्यालयको प्राज्ञिक परिषद् सदस्यमा प्रा.डा. निर्मलमणि अधिकारी मनोनित भएका छन्।
काठमाडौं विश्वविद्यालयको प्राज्ञिक परिषद् (एकेडेमिक काउन्सिल) को सदस्यमा प्रा.डा. निर्मलमणि अधिकारी मनोनित हुनुभएको छ।
विश्वविद्यालयका कुलपति एवं प्रधानमन्त्रीको अध्यक्षतामा बसेको विश्वविद्यालय सभा (सिनेट) को बैठकले अधिकारीलाई सो जिम्मेवारी दिने निर्णय गरेको हो। काठमाडौं विश्वविद्यालय ऐन, २०४८ को दफा ८ को उपदफा १ (घ) मा रहेको प्रावधान अनुसार उहाँलाई परिषद् सदस्यमा मनोनयन गरिएको हो।
तीन वर्षको कार्यकाल तनहुँको म्याग्दे गाउँपालिका–४ छाङ, पिपलटारमा जन्मनु भएका प्रा.डा. अधिकारी हाल काठमाडौं विश्वविद्यालयको भाषा तथा आमसञ्चार विभागका प्रमुख हुनुहुन्छ। उहाँ मिडिया अध्ययन विषय समितिको अध्यक्षको रूपमा समेत कार्यरत हुनुहुन्छ। नवनियुक्त सदस्यको रूपमा उहाँको कार्यकाल तीन वर्ष रहनेछ।
प्राज्ञिक योगदान सञ्चार सिद्धान्त र पूर्वीय दर्शनका अध्येता डा. अधिकारीले विशेषगरी ‘साधारणीकरण’ मोडलमार्फत अन्तर्राष्ट्रिय स्तरमा नेपाली प्राज्ञिक क्षेत्रको पहिचान बनाउनुभएको छ। विश्वविद्यालयको शैक्षिक नीति निर्माण र प्राज्ञिक गुणस्तर सुधारका लागि उहाँको मनोनयनलाई अर्थपूर्ण मानिएको छ।
