पौष १३ गते आइतबार ।
तनहुँ ।
धर्मो रक्षति: रक्षित:।।
नेपालमा जन्मेर नेपाली भएर भागवत गीता घरमा नराख्ने र पाठ नगर्ने नेपालीले सनातन धर्मको मूल मर्म नबुझ्ने र परम्परागत मूल्यमान्यता को संरक्षणमा पनि सहयोग गर्न चाहेर पनि नसक्ने कुरा तीन गुणको स्वभाव नजान्दा कठिन हुन्छ । “गुणान् एतानतीत्य त्रीन् देही देहसमुद्भवान्” अर्थात् यी तीन गुणलाई पार गरेर देहमुक्त हुन्छ। यी गुणहरू ब्रह्माण्डीय तत्त्वहरूको आधार र प्रकृति को मूलभूत सिद्धान्त पनि हुन किनकि सम्पूर्ण सृष्टि तीन गुणहरूको संयोजनबाट बनेको छ जस्तै सत्त्वले आकाश र चेतनाको शुद्धता, रजले वायु र अग्निको गति, तमले जल र पृथ्वीको जडतालाई प्रतिनिधित्व गर्दछ। यिनको सन्तुलनले विश्वको सृजन, स्थिति र संहार हुन्छ।तसर्थ साधनामा यी गुणहरूको शुद्धीकरण केवल व्यक्तिगत मुक्तिको लागि मात्र नभई ब्रह्माण्डीय सद्भाव र एकत्वको अनुभूतिका लागि पनि अत्यावश्यक छ रावण बन्ने कि राम बन्ने । दुर्योधन, कर्ण बन्ने कि युधिष्ठिर,अर्जुन बन्ने । छनोट व्यक्तिगत हुन्छ। किनकि सत्त्वको प्रभुत्वले साधकलाई “सत्त्वात् संजायते ज्ञानम्”अनुसार परम ज्ञान र परमात्मासँगको रहस्यमय एकीकरणतर्फ लैजान्छ जसले सम्पूर्ण सृष्टिलाई दिव्य प्रकाशले आलोकित गर्दछ।।
सवितुर खवरको खोज ।
