पौष १६ गते बुधबार ।
तनहुँ ।
गोरु जुधाउने अनौठो परम्परा नेपालमा बिशेष गरि नुवाकोट र तनहुँमा हाल सम्म पनि प्रचलनमा कायमै छ।यो परापूर्वकाल देखि चलिआएको एउटा परम्परा हो । पौष १५ गते गोरु जुधाउने कार्यक्रमको झल्को परम्परागत मूल्यमान्यता को संरक्षण पनि हो। त्यसैको लागि टाढा टाढा देखि हेर्न आउने दर्शकको भिड लाग्ने गर्दछ।गोरु जुधाई हेर्न लमजुङ ,तनहुँ र गोरखा सम्मका किसान र कृषि प्रेमी तथा गोरु प्रति सम्मान र बिश्वास गर्ने हरुको भिड पहिले देखि हाल सम्म पनि लाग्दै आएको कुरा स्थानीय बुढापाकाहरुले बताउनुभयो । चलन चल्ती र परम्परा एवम् संस्कृति जोगाउने बिशेष दिन पनि भनिन्छ पुषे १५ लाई । बाबुबाजेको संस्कार र परम्परागत मूल्यमान्यता कायमै राख्न भानु १२ घलेछाप र कल्लेरी सफल भएका छन्। यसबर्ष पनि भएको गोरु जुधाइ कार्यक्रममा १४ वटा गोरुलाई राजेन्द्र गोदार कल्लेरी भानु (१२)को गोरुले प्रथम पुरस्कार स्वरुप ( रु. २५०००।)जित्न सफल भएको छ।भानु वडा नं १२ को वडा कार्यलय र समग्र भानु नगर पालिका समेतले यस्तो परम्परा जोगाउन गोरुपाल्ने र परम्परागत कृषिका लागि गोरुको महत्त्वपूर्ण योगदानको सन्देश दिन सफल हुने किसानहरुको मनोबल उच्च राख्न प्रोत्साहन का लागि कार्यक्रम पनि सञ्चालन गर्न र पशुपंक्षी पालक किसानको सम्मान गर्नुपर्ने कुरामा नगरको ध्यान पुग्न जरुरी छ।
